ගෙවුණු දිනය උණුසුම් කළ පුවත්

COLOMBO (News 1st) - දේශීය පුවත් 01 ගෝඨාභය හැකි ඉක්මණින් ගෙන්වා ගන්න – පොදුජන පෙරමුණ ඉල්ලයි හිටපු ජනාධිපති ගෝඨාභය රාජපක්ෂ මහතා හැකි ඉක්මණින් මෙරටට ගෙන්වා ගන්නා ලෙසත්,  සුදුසු ආරක්ෂාව හා පහසුකම් සපයන ලෙසත්, ශ්‍රී ලංකා පොදුජන පෙරමුණ ජනපතිගෙන් ඉල්ලා සිටි බව එම පක්ෂයේ මහලේකම්වරයා සඳහන් කරයි. 02.තමන් සතු විදේශ මුදල් තැන්පත් කිරිමට හා විකිණීමට පොදු සමාකාලයක්.. තමන් සතු විදේශ ව්‍යවහාර මුදල් තැන්පත් කිරීම හා විකිණීම සඳහා මහජනතාව වෙත පොදු සමා කාලයක් ලබාදී ඇතැයි ශ්‍රී ලංකා මහ බැංකුව පවසයි. 03.අත්අඩංගුවට ගත් මර්වින් සිල්වා මුදා හැරේ.. අත්අඩංගුවට ගත් හිටපු පාර්ලිමේන්තු මන්ත්‍රී මර්වින් සිල්වා මහතා කොළඹ අතිරේක මහේස්ත්‍රාත් කේමින්ද පෙරේරා විසින් මුදා හරිනු ලැබ තිබේ. 04.බඹර ප්‍රහාරයකින් ළමුන් ඇතුළු 22 ක් රෝහලට.. බදුල්ල – පස්සර ප්‍රදේශයේ පාසැලක බඹර ප්‍රහාරයකින් තුවාල ලැබූ 22 දෙනෙකු, පස්සර ප්‍රාදේශීය රෝහලට ඇතුළත් කර තිබේ. 05.රිජ්වේ ආර්යා ළමා රෝහලේ ඖෂධ හිඟයක් රිජ්වේ ආර්යා ළමා රෝහලේ 10% ක ඖෂධ හිඟයක් පවතින බව රෝහල් අධ්‍යක්ෂ වෛද්‍ය ජී. විජේසුරිය මහතා පවසයි. විදෙස් පුවත් 01.චීන හමුදා සෙබළුන් පිරිසක් රුසියාවට යන්න සැරසෙයි චීන හමුදා සෙබළුන් පිරිසක් රුසියාව බලා පිටත්ව යාටම නියමිත බව චීන ආරක්ෂක අමාත්‍යාංශය පවසයි.