Mexico: மெக்சிகோவில் தேர்தல் பிரசார மேடை சரிந்து வீழ்ந்ததில் 9 பேர் உயிரிழந்துள்ளனர். 54 பேர் காயமடைந்துள்ளனர்.
மெக்சிகோவின் வடக்கில் உள்ள San Pedro Garza García நகரில் இந்த அனர்த்தம் இடம்பெற்றுள்ளது.
மெக்ஸிகோவில் ஜூன் 2 ஆம் திகதி ஜனாதிபதித் தேர்தல் இடம்பெறவுள்ளது.
இந்நிலையில், அந்நாட்டின் வடக்கு மாகாணமான Nuevo Leon-இல் உள்ள மான்டேரியின் புறநகர்ப்பகுதியான San Pedro Garza García-வில் நேற்று வீசிய பலத்த காற்றின் போது, பிரசார மேடை சரிந்துள்ளது.
குடிமக்கள் இயக்கம் ( Citizens' Movement) கட்சியின் ஜனாதிபதி வேட்பாளராக போட்டியிடும் Jorge Álvarez Máynez-இன் பிரசார நிகழ்ச்சிக்காக அமைக்கப்பட்டிருந்த மேடையே சரிந்துள்ளது.
குடிமக்கள் இயக்கம் கட்சியை சேர்ந்த பல்வேறு தலைவர்களும் இந்நிகழ்வில் பங்கேற்றிருந்தனர்.
தனக்கு காயம் எதுவும் இல்லை எனவும் அதிகாரிகளுடன் தொடர்பில் இருப்பதாகவும் ஜனாதிபதி வேட்பாளர் Jorge Álvarez Máynez தனது X பதிவில் குறிப்பிட்டுள்ளார்.
Nuevo Leon மற்றும் பிற வட மாநிலங்களில் சூறாவளி வீசக்கூடும் என்று மெக்சிகோவின் வானிலை சேவை முன்னதாக எச்சரித்திருந்தது.
BREAKING: Stage collapses during a political rally in northeast Mexico. At least four people are dead, and many are injured.pic.twitter.com/lWzzsBXzrO
— Viral News NYC (@ViralNewsNYC) May 23, 2024