இலங்கையில் பால் உற்பத்தியை அதிகரிக்க அமெரிக்க நிறுவனம் ஒத்துழைப்பு

இலங்கையில் பால் உற்பத்தியை அதிகரிப்பதற்கு தேவையான தொழில்நுட்ப மற்றும் நிதி உதவிகளை வழங்க அமெரிக்க ஒத்துழைப்பு அமைப்பான International Executive Services தனது ஆதரவை தெரிவித்துள்ளது.

விவசாய மற்றும் பெருந்தோட்ட கைத்தொழில் அமைச்சர் மகிந்த அமரவீர தலைமையில், அதன் தலைவர் உள்ளிட்ட பிரதிநிதிகள் குழு இது தொடர்பான கலந்துரையாடலை நடத்தியதாக விவசாய அமைச்சு தெரிவித்துள்ளது.

நாளொன்றுக்கு சுமார் 100 லிட்டர் பால் உற்பத்தி செய்யும் சிறிய அளவிலான கறவை மாடு மேலாண்மை அலகுகளின் திறனை அதிகரிக்கவும், புதிய தொழில்நுட்பத்தை வழங்கவும் தேவையான தொழில்நுட்ப மற்றும் நிதி ஒத்துழைப்பை வழங்கவும் நிறுவனம் திட்டமிட்டுள்ளது.