Colombo (News 1st) இருபதுக்கு 20 கிரிக்கெட் வரலாற்றில் நேபாள அணி 7 உலக சாதனைகளை படைத்துள்ளது.

19 ஆவது ஆசிய விளையாட்டு விழாவில் ஆடவருக்கான கிரிக்கெட் தொடரில் மொங்கோலியாவிற்கு எதிரான போட்டியில் நேபாள அணி 273 ஓட்டங்களால் அபார வெற்றியீட்டியது.

சீனாவின் Hangzhou மைதானத்தில் நடைபெற்ற போட்டியில் முதலில் துடுப்பெடுத்தாடிய நேபாள அணி 20 ஓவர்களில் 3 விக்கெட் இழப்பிற்கு 314 ஓட்டங்களை பெற்றது.

Dipendra Singh Airee 8 சிக்சர்களுடன் 9 பந்துகளில் அரைச்சதம் கடந்ததுடன் 52 ஓட்டங்களை விளாசினார். 

இது சர்வதேச இருபதுக்கு 20 அரங்கில் வீரரொருவரால் வேகமாக பெறப்பட்ட அரைச்சதமாகும்.

வெற்றி இலக்கை நோக்கி களமிறங்கிய மொங்கோலிய அணியால் 13.1 ஓவரில் சகல விக்கெட்களையும் இழந்து 41 ஓட்டங்களை மாத்திரமே பெற முடிந்தது.

சர்வதேச இருபதுக்கு 20 போட்டியொன்றில் 300 ஓட்டங்களைக் கடக்கும் முதலாவது அணியென்ற பெருமையையும் நேபாளம் தனதாக்கியது.

Kushal Malla 12 சிக்சர்கள் 8 பவுண்டரிகளுடன் 50 பந்துகளில் 137 ஓட்டங்களை ஆட்டமிழக்காமல் விளாசினார். 

34 பந்துகளில் அவர் சதம் கடந்ததுடன், இருபதுக்கு 20 போட்டியொன்றில் பெறப்பட்ட அதிவேக சமமாக இது பதிவாகியது.