பாகிஸ்தானில் எப்போதும் இல்லாத வகையில் பணவீக்கம் 38% ஆக உயர்வு

Pakistan: பாகிஸ்தானில் எப்போதும் இல்லாத வகையில், நுகர்வோர் விலைச்சுட்டெண் பட்டியல் 38% என்ற அளவிற்கு உயர்ந்துள்ளது. 

அதன் காரணமாக அங்கு உணவுப் பொருட்களின் விலை, வீட்டு வாடகை, மின்சாரம், எரிவாயு, போக்குவரத்து  கட்டணம்  என வாழ்க்கைச் செலவு பெருமளவு உயர்ந்துள்ளது. 
 
பாகிஸ்தானில் கடந்த ஏப்ரல் மாதத்தில் 36.4% பணவீக்கம் பதிவாகியிருந்தது. எனினும், ஒரே மாதத்தில்  1.6% உயர்ந்து  38% ஆக பணவீக்கம் அதிகரித்துள்ளது. 

2022 மே மாதத்துடன் ஒப்பிடுகையில், 2023 இல் பொருட்கள் மீதான விலை கிராமப்புறங்களில் 52.4 % என்ற அளவிலும், நகர்ப்புறங்களில் 48.1% என்ற அளவிலும் அதிகரித்துள்ளது. 

எனினும், நடப்பு ஜூனில் இது குறையலாம் என எதிர்பார்க்கப்படுகிறது. 

சர்வதேச நாணய நிதியத்திற்கு தேவையான வகையில் மேற்கொள்ளப்பட்ட நிதி மாற்றங்களின் ஒரு பகுதியாக பாகிஸ்தான் அரசாங்கம் கடுமையான நடவடிக்கைகளை செயற்படுத்தியதில் இருந்து பணவீக்கம் அதிகரித்து வருகிறது.