பிரபல பின்னணி பாடகி ரமணியம்மாள் காலமானார்

Colombo (News 1st) பிரபல பின்னணி பாடகியான ரமணியம்மாள் இன்று (04) காலமானார். 

பரத் நடிப்பில் 2004-ஆம் ஆண்டு வெளியான காதல் படத்தில் 'தண்டட்டி கருப்பாயி' பாடலை பாடியதன் மூலம் திரைத்துறையில் இவர் அறிமுகமானார். 

இவர் தொடர்ந்து காத்தவராயன், ஹரிதாஸ், சண்டக்கோழி -2, காப்பான் போன்ற பல படங்களில் பாடியுள்ளார். 

இவர் தனியார் தொலைக்காட்சி இசை நிகழ்ச்சியில் கலந்து கொண்டு மக்கள் மத்தியில் பிரபலமானவர். இவரை 'ராக் ஸ்டார் ரமணியம்மாள்' என அனைவரும் அன்போடு அழைத்து வந்தனர்.

மேலும், குறித்த தொலைக்காட்சி நிகழ்ச்சியில் இரண்டாம் இடத்தைக் கைப்பற்றி வெற்றி பெற்றிருந்தார். 

இந்நிலையில், ரமணியம்மாள் (69) வயது மூப்பு காரணமாக தீடீரென காலமானார். 

இவரது மறைவிற்கு பலரும் தமது இரங்கலை தெரிவித்து வருகின்றனர்.