T20 உலகக்கிண்ணம்: நியூஸிலாந்தை 20 ஓட்டங்களால் வீழ்த்தியது இங்கிலாந்து

Colombo (News 1st) T20 உலகக்கிண்ண கிரிக்கெட் தொடரின் சுப்பர் 12 சுற்றின் நியூஸிலாந்து அணியுடனான போட்டியில் இங்கிலாந்து 20 ஓட்டங்களால் வெற்றி பெற்றது.

இந்த போட்டியில் நாணய சுழற்சியில் வெற்றி பெற்று முதலில் துடுப்பெடுத்தாடிய இங்கிலாந்து அணி 6 விக்கெட் இழப்பிற்கு 179 ஓட்டங்களைப் பெற்றது.

Jos Buttler 73 ஓட்டங்களையும் Alex Hales 52 ஓட்டங்களையும் அதிகபட்சமாக பெற்றுக்கொடுத்தனர்.

சவாலான வெற்றியிலக்கை நோக்கி  துடுப்பெடுத்தாடிய நியூஸிலாந்து 20 ஓவர்களில் 6 விக்கெட்களை இழந்து 159 ஓட்டங்களை மாத்திரமே பெற்று தோல்வியடைந்தது

நியூஸிலாந்து அணி சார்பில் Glenn Phillips 62 ஓட்டங்களை பெற்றுக்கொடுத்தார்.

இதேவேளை, T20 உலகக்கிண்ண கிரிக்கெட் தொடரின் சுப்பர் 12 சுற்றில், ஆப்பானிஸ்தான் அணியுடனான போட்டியில் இலங்கை அணி 6 விக்கெட்களால் வெற்றி பெற்றது.

அதனடிப்படையில், குழு ஒன்றில் 5 புள்ளிகளைப் பெற்று நியூஸிலாந்து, இங்கிலாந்து, அவுஸ்திரேலியா ஆகிய அணிகள் முதல் மூன்று இடங்களில் உள்ளன.

4 புள்ளிகளுடன் இலங்கை அணி நான்காவது இடத்தில் உள்ளது.