நுரைச்சோலையிலிருந்து 160 மெகாவாட் மின்சாரம் தேசிய கட்டமைப்புடன் இணைப்பு

Colombo (News 1st) செயலிழந்திருந்த நுரைச்சோலை அனல்மின் உற்பத்தி நிலையத்தின் மூன்றாவது மின்பிறப்பாக்க இயந்திரத்திலிருந்து 160 மெகாவாட் மின்சாரம் தேசிய கட்டமைப்புடன் இணைக்கப்பட்டுள்ளது. மின்சார சபையின் ஊடகப்பேச்சாளர் அன்ட்ரூ நவமனி இதனை நியூஸ்பெஸ்ட்டுக்கு உறுதிப்படுத்தினார். கடந்த மாதம் 3 ஆம் திகதி குறித்த மின்பிறப்பாக்க இயந்திரம் செயலிழந்தமையால் இழக்கப்பட்ட 300 மெகாவாட் மின்சாரம், களனிதிஸ்ஸ மின்னுற்பத்தி நிலையத்தினூடாகவே ஈடு செய்யப்பட்டது.