கொழும்பின் பல வீதிகளில் வாகன போக்குவரத்து மட்டுப்படுத்தப்படவுள்ளது

Colombo (News 1st) 74 ஆவது சுதந்திர தின நிகழ்வை முன்னிட்டு நாளை (29) முதல் கொழும்பில் விசேட போக்குவரத்துத் திட்டம் அமுல்படுத்தப்படவுள்ளது. இதற்கிணங்க, சுதந்திர தின விழாவிற்கான ஒத்திகை, நாளை முதல் எதிர்வரும் பெப்ரவரி 3 ஆம் திகதி வரை நாளாந்தம் காலை 7 மணி முதல் பிற்பகல் 2 மணி வரை இடம்பெறவுள்ளது. அத்துடன், தேசிய சுதந்திர தின விழா எதிர்வரும் 4 ஆம் திகதி சுதந்திர சதுக்கத்தில் இடம்பெறவுள்ளது. இதற்கிணங்க, மேற்குறிப்பிடப்பட்ட காலப்பகுதியில் கொழும்பு மற்றும் புறநகர் பகுதிகளின் பல வீதிகளில் இடைக்கிடையே வாகன போக்குவரத்து மட்டுப்படுத்தப்படும் என பொலிஸ் தலைமையகம் அறிவித்துள்ளது.