Colombo (News 1st) மட்டக்களப்பு – கிரான், நாகவத்தை கடலில் நீராடச் சென்று உயிரிழந்த மாணவர்கள் இருவரின் இறுதிக் கிரியைகள் இன்று (16) நடைபெற்றன.

மாணவர்களின் பூதவுடல்கள் மட்டக்களப்பு – கிரான் இந்து பொது மயானத்தில் நல்லடக்கம் செய்யப்பட்டன.

மாணவர்களின் இறுதி ஊர்வலத்தில் பெருந்திரளானவர்கள் கலந்து கொண்டிருந்தனர்.

உயிரிழந்த மாணவர்களுக்கு அஞ்சலி செலுத்தும் முகமாக கிரான் தேசிய பாடசாலை முன்பாக வெள்ளைக்கொடி பறக்கவிடப்பட்டிருந்தது.

மட்டக்களப்பு – வாழைச்சேனை பொலிஸ் பிரிவிற்குட்பட்ட கிரான் – நாகவத்தை கடற்பகுதியில் நேற்று முன்தினம் (14), ஏழு பாடசாலை மாணவர்கள் நீராடச் சென்றுள்ளனர்.

இதன்போது மூவர் அலையில் அள்ளுண்டு செல்லப்பட்டதுடன் ஒருவர் காப்பாற்றப்பட்டார்.

நீரில் மூழ்கி காணாமல் போயிருந்த இரண்டு மாணவர்களின் சடலங்களும் நேற்று (15) மீட்கப்பட்டன.