தெல்தோட்டையில் பாரசூட்டில் இருந்து வீழ்ந்த ரஷ்ய பிரஜை வைத்தியசாலையில் அனுமதி

Colombo (News 1st) பாரசூட்டில் பறந்துகொண்டிருந்த நிலையில் கீழே வீழ்ந்து காயமடைந்த வெளிநாட்டு சுற்றுலாப்பயணி ஒருவர் கண்டி வைத்தியசாலையில் அனுமதிக்கப்பட்டு, சிகிச்சை பெற்று வருகின்றார். 35 வயதான ரஷ்ய பிரஜையொருவரே 30 அடி உயரத்தில் இருந்து வீழ்ந்துள்ளார். கலஹா, தெல்தோட்டை - ரெலிமங்கொட பகுதியிலேயே அவர் வீழ்ந்ததாக பொலிஸார் தெரிவித்தனர். சம்பவம் தொடர்பிலான மேலதிக விசாரணைகளை கலஹா பொலிஸார் மேற்கொண்டு வருகின்றனர்.