Colombo (News 1st) ஐக்கிய தேசியக் கட்சியின் முன்னாள் அமைச்சரான B.சிறிசேன குரே இன்று (30) காலை காலமானார்.

கொழும்பிலுள்ள தனியார் வைத்தியசாலை ஒன்றில் சிகிச்சை பெற்று வந்த நிலையிலேயே அவர் காலமாகியுள்ளார்.

ஐக்கிய தேசியக் கட்சியை பிரதிநிதித்துவப்படுத்தி 1989 ஆம் ஆண்டு பாராளுமன்றத்திற்கு தெரிவு செய்யப்பட்ட சிறிசேன குரே, வீடமைப்பு மற்றும் நிர்மாணத்துறை அமைச்சராக பதவி வகித்தார்.

ஐக்கிய தேசியக் கட்சியின் முன்னாள் பொதுச் செயலாளராகவும் அவர் கடமையாற்றியுள்ளார்.

1979 ஆம் ஆண்டு முதல் 1989 ஆம் ஆண்டு வரை சிறிசேன குரே, கொழும்பு மாநகர சபை மேயராகவும் செயற்பட்டுள்ளார்.