சர்வசே ஒலிம்பிக் குழுவின் தலைவராக தோமஸ் பக் மீண்டும் தெரிவு

Colombo (News 1st) சர்வசே ஒலிம்பிக் குழுவின் (International Olympic Committee - IOC)  தலைவராக ஜெர்மனியை சேர்ந்த சட்டத்தரணியான தோமஸ் பக் (Thomas Bach) மீண்டும் தேர்ந்தெடுக்கப்பட்டுள்ளார். 67 வயதான அவர் நம்பிக்கை வாக்கெடுப்பில் 93-1 என்ற கணக்கில் அமோக வெற்றி பெற்றுள்ளார். ஒன்லைன் மூலம் உறுப்பினர்கள் சந்திப்பும் வாக்கெடுப்பும் நடத்தப்பட்டது. அவர் 2025-ம் ஆண்டு வரை இந்த பதவியில் நீடிப்பார். தனக்கு ஆதரவளித்த அனைவருக்கும் நன்றி தெரிவித்துள்ள தோமஸ் பக், கொரோனா கட்டுப்பாடுகள் இருந்தாலும், டோக்கியோ ஒலிம்பிக் போட்டி திட்டமிட்டபடி ஜூலை 23 ஆம் திகதி ஆரம்பிக்கும் என உறுதிபடக் கூறினார்.