கொரோனா அபாயமிக்க கிராம சேவகர் பிரிவுகளில் நாளை முதல் தடுப்பூசி

Colombo (News 1st) கொரோனா வைரஸ் தொற்று அபாயம் நிலவும் கிராம சேவையாளர் பிரிவுகளில் நாளை (26) முதல் தடுப்பூசி ஏற்றும் நடவடிக்கை ஆரம்பிக்கப்படவுள்ளதாக கொரோனா தடுப்பு இராஜாங்க அமைச்சர், விசேட வைத்திய நிபுணர் சுதர்ஷனி பெர்னாண்டோபுள்ளே தெரிவித்துள்ளார். இந்தியாவிடம் கோரப்பட்டுள்ள 5 இலட்சம் கொரோனா தடுப்பூசிகள் இன்று (25) இலங்கைக்கு கிடைக்கவுள்ளதாக அவர் குறிப்பிட்டார். கடந்த 28 ஆம் திகதி இந்தியாவிடம் இருந்து கிடைத்த தடுப்பூசிகளில் 360,000 தடுப்பூசிகள் இதுவரை ஏற்றப்பட்டுள்ளன.