மாதவனுக்கு டாக்டர் பட்டம்

தமிழ், தெலுங்கு, இந்தி, மலையாளம் உட்பட பல்வேறு மொழிகளில் நடித்து பிரபலமான மாதவனுக்கு டாக்டர் பட்டம் வழங்கப்பட்டுள்ளது. தமிழில் மணிரத்னம் இயக்கிய அலைபாயுதே படம் மூலம் நாயகனாக அறிமுகமானவர் மாதவன். இதையடுத்து, பல்வேறு ஹிட் படங்களை கொடுத்து முன்னணி நடிகராக உயர்ந்தார். இவர் தமிழ் மட்டுமின்றி தெலுங்கு, கன்னடம், மலையாளம், இந்தி, ஆங்கிலம் என பல்வேறு மொழி படங்களில் நடித்துள்ளார். இவர் நடிப்பில் சமீபத்தில் வெளியான மாறா படத்திற்கு நல்ல வரவேற்பு கிடைத்தது. நடிகர் மாதவன் தற்போது ராக்கெட்ரி என்ற படத்தை இயக்கி வருகிறார். இப்படத்தின் பணிகள் இறுதிக்கட்டத்தை எட்டியுள்ளன. இந்நிலையில், நடிகர் மாதவனுக்கு டாக்டர் பட்டம் வழங்கப்பட்டுள்ளது. மாதவனின் கலைச் சேவையை பாராட்டி, கோலாபூரில் உள்ள டி.ஒய். பாட்டில் பல்கலைக்கழகம் அவருக்கு இந்த டாக்டர் பட்டத்தை வழங்கி கௌரவித்துள்ளது. டாக்டர் பட்டம் பெற்ற மாதவனுக்கு ரசிகர்கள், சமூக வலைத்தளங்கள் வாயிலாக வாழ்த்து தெரிவித்து வருகின்றனர்.