கொழும்பு பங்குச்சந்தையில் ASPI விலைச்சுட்டி சடுதியாக அதிகரிப்பு

Colombo (News 1st) கொழும்பு பங்குச்சந்தை வரலாற்றில் முதற்தடவையாக ASPI (All Share Price Index) எனப்படும் அனைத்து பங்குகளுக்குமான விலைச்சுட்டி இன்று அதிகரித்துள்ளது. அதற்கமைய, 5.1 வீத அதிகரிப்புடன் ASPI விலைச்சுட்டி 387.19 வரை அதிகரித்துள்ளது. S&P SL 20 விலைச்சுட்டியும் இன்று அதிகரித்துள்ளது. S&P SL 20 விலைச்சுட்டி 140.96 வரை அதிகரித்து 3180.24 ஆக பதிவாகியுள்ளது. பங்குச்சந்தையின் நாளாந்த புறழ்வு 5170.5 மில்லியன் ரூபாவாக பதிவாகியுள்ளது. கடந்த இரண்டு நாட்களாக பங்குச்சந்தையில் பாரிய வீழ்ச்சி ஏற்பட்டிருந்த நிலையில், பங்குகளின் விலைச்சுட்டி இன்று சடுதியாக அதிகரித்துள்ளது. S&P SL 20 விலைச்சுட்டி நேற்று இரண்டு சந்தர்ப்பங்களில் 7.5 வீத வீழ்ச்சி அடைந்ததுடன், பங்குச் சந்தையின் கொடுக்கல் வாங்கல் இடைநிறுத்தப்பட்டமை குறிப்பிடத்தக்கது.