உள்ளரங்க ஓட்டப்போட்டி: எத்தியோப்பியாவின் Gudaf Tsegay புதிய உலக சாதனை

Colombo (News 1st) 1500 மீட்டர் மகளிருக்கான உள்ளரங்க ஓட்டப்போட்டியில் (Indoor 1500 metres) எத்தியோப்பியாவின் Gudaf Tsegay புதிய உலக சாதனையைப் படைத்துள்ளார். பிரான்ஸில் இடம்பெற்ற உள்ளரங்க மெய்வல்லுனர் போட்டியில் அவர் இந்த சாதனையை எட்டினார். இதன்போது அவர் போட்டியை 3 நிமிடம் 53.09 ​செக்கன்ட்களில் நிறைவு செய்தார். இதற்கிணங்க, அவர் - ஏற்கனவே இருந்த சாதனையை இரண்டு செக்கன்ட்களால் முறியடித்துள்ளதாக சர்வதேச மெய்வல்லுனர் சம்மேளனத்தின் உத்தியோகபூர்வ இணையத்தில் தெரிவிக்கப்பட்டுள்ளது. போட்டியை 3 நிமிடம் 59.58 செக்கன்ட்களில் நிறைவு செய்த ஐரோப்பிய சாம்பியனான பிரித்தானியாவின் லோரா மியோர் இரண்டாவது இடத்தைப் பிடித்தார்.