பிரதமர் - சபாநாயகர் சந்திப்பு: பாராளுமன்ற அமர்வு தொடர்பில் கலந்துரையாடல்

Colombo (News 1st) பிரதமர் மஹிந்த ராஜபக்ஸவிற்கும் சபாநாயகர் மஹிந்த யாப்பா அபேவர்தனவிற்கும் இடையில் இன்று சந்திப்பொன்று இடம்பெற்றது. கொழும்பு விஜேராமயிலுள்ள பிரதமரின் உத்தியோகபூர்வ இல்லத்தில் இந்த சந்திப்பு நடைபெற்றது. COVID தொற்று சவாலுக்கு மத்தியில், எதிர்வரும் 9 ஆம் திகதி பாராளுமன்ற அமர்வை ஆரம்பிப்பது குறித்து இதன்போது ஆராயப்பட்டதாக பிரதமரின் ஊடகப்பிரிவு தெரிவித்துள்ளது. சுகாதார வழிகாட்டல்களுக்கு அமைய, பாராளுமன்ற நடவடிக்கைகளை உரியவாறு முன்னெடுத்துச் செல்வது தொடர்பில் பிரதமர் மஹிந்த ராஜபக்ஸ , சபாநாயகரின் கவனத்திற்கு கொண்டு சென்றுள்ளார்.