வௌிநாடுகளிலிருந்து 121 பேர் தாயகம் திரும்பினர்

Colombo (News 1st) கொரோனா தொற்றினால் வௌிநாடுகளிலிருந்து நாடு திரும்ப முடியாமலிருந்த 121 இலங்கையர்கள் இன்று (21) தாயகம் திரும்பியுள்ளனர். அபுதாபியிலிருந்து 21 பேரும் தோஹா கத்தாரிலிருந்து 42 பேரும் இந்தியாவிலிருந்து 58 பேரும் நாடு திரும்பியுள்ளதாக COVID - 19 தொற்று தடுப்பிற்கான தேசிய செயலணி தெரிவித்துள்ளது. இதனிடையே, கத்தாரிலிருந்து 296 பேர் நாட்டுக்கு வருகை தரவுள்ளனர். இவர்கள் அனைவரையும் தனிமைப்படுத்தலுக்கு உட்படுத்துவதற்கான நடவடிக்கைகள் எடுக்கப்பட்டுள்ளதாக COVID - 19 தொற்று தடுப்பிற்கான தேசிய செயலணி தெரிவித்துள்ளது. 38 நிலையங்களில் 3894 பேர் தனிமைப்படுத்தப்பட்டுள்ளதாகவும் செயலணி குறிப்பிட்டுள்ளது.