ரிஷாட் பதியுதீனின் மனைவியிடம் குற்றப்புலனாய்வு திணைக்களத்தினர் வாக்குமூலம் பதிவு

Colombo (News 1st) முன்னாள் அமைச்சரும் பாராளுமன்ற உறுப்பினருமான ரிஷாட் பதியுதீனின் மனைவியிடம் குற்றப்புலனாய்வு திணைக்களத்தினர் இன்று வாக்குமூலம் பதிவு செய்தனர். ரிஷாட் பதியுதீனின் கொழும்பிலுள்ள வீட்டில் வைத்து வாக்குமூலம் பதிவு செய்யப்பட்டது. கொழும்பு -07, பௌத்தாலோக்க மாவத்தையிலுள்ள ரிஷாட் பதியுதீனின் வீட்டை இன்று சோதனைக்குட்படுத்திய பின்னர் இந்த வாக்குமூலம் பதிவு செய்யப்பட்டுள்ளது. இதேவேளை, பாராளுமன்ற உறுப்பினர் ரிஷாட் பதியுதீனை கைது செய்வதற்கான செயற்பாடுகளை குற்றப்புலனாய்வு பிரிவினர் தொடர்ந்தும் முன்னெடுத்துள்ளனர்.