Colombo (News 1st) மருதானை – மாளிகாகந்த பகுதியில் போலி சான்றிதழ்களை விநியோகிக்கும் கச்சேரி ஒன்று சுற்றிவளைக்கப்பட்டுள்ளது.

இதன்போது, சந்தேகநபர் ஒருவர் கைது செய்யப்பட்டுள்ளார்.

சந்தேகநபர் வசமிருந்த 227 போலி இறப்பர் முத்திரைகள், 42 போலி கடிதத் தலைப்புகள், 300 வௌிநாட்டுக் கடவுச்சீட்டுகள், 9 தேசிய அடையாள அட்டைகள், மடிக்கணினி, ஸ்கேனர், பிரின்டர் மற்றும் கையடக்கத் தொலைபேசி என்பவற்றை பொலிஸார் கைப்பற்றியுள்ளனர்.

வெல்லம்பிட்டியைச் சேர்ந்த 40 வயதுடைய சந்தேகநபரே கைது செய்யப்பட்டுள்ளார்.

சம்பவம் தொடர்பில் கொழும்பு ஊழல் விசாரணைப் பிரிவு விசாரணைகளை மேற்கொண்டுள்ளது.