வெலிக்கடை சிறைச்சாலையின் மகளிர் பிரிவிலிருந்து 13 கையடக்க தொலைபேசிகள் மீட்பு 

Colombo (News 1st) வெலிக்கடை சிறைச்சாலையின் மகளிர் பிரிவிலிருந்து 13 கையடக்கத் தொலைபேசிகள் கைப்பற்றப்பட்டுள்ளன. சிறைச்சாலையின் புலனாய்வு பிரிவினால் முன்னெடுக்கப்பட்ட சோதனை நடவடிக்கையில் இவை கைப்பற்றப்பட்டுள்ளதாக சிறைச்சாலைகள் திணைக்களத்தின் நிர்வாக ஆணையாளர் சந்தன ஏக்கநாயக்க தெரிவித்துள்ளார். 7 சிம் அட்டைகளும் 150 பெற்றிகளும் இதன்போது கைப்பற்றப்பட்டுள்ளதாக அவர் குறிப்பிட்டார். சிறைச்சாலையின் மதில் மேல் இருந்து அல்லது பொதிகளூடாக இவை மகளிர் பிரிவிற்கு அனுப்பட்டிருக்கக்கூடும் என சிறைச்சாலைகள் திணைக்களத்தின் நிர்வாக ஆணையாளர் சந்தன ஏக்கநாயக்க குறிப்பிட்டுள்ளார்.