எரிவாயு சிலிண்டர் வெடித்தது: அபுதாபியில் இலங்கை இளைஞர் உயிரிழப்பு

Colombo (News 1st) அபுதாபியில் உணவகமொன்றில் எரிவாயு சிலிண்டர் வெடித்தமையினால் ஏற்பட்ட அனர்த்தத்தில் இலங்கையை சேர்ந்த இளைஞர் ஒருவர் உயிரிழந்துள்ளார். குறித்த இலங்கை பிரஜை அந்த உணவகத்தில் பணிபுரிந்து வந்துள்ளார். இந்த வெடிப்பு சம்பவத்தில் மேலும் ஒருவரும் உயிரிழந்துள்ளார். அனர்த்தத்தில் மாத்தறை - வெலிகம பகுதியைச் சேர்ந்த 28 வயதான இளைஞரே உயிரிழந்துள்ளதாக வௌிநாட்டு வேலைவாய்ப்பு பணியகம் தெரிவித்துள்ளது. இளைஞரின் பூதவுடல், அபுதாபியிலுள்ள வைத்தியசாலையில் வைக்கப்பட்டுள்ளது. இந்த அனர்த்தம் கடந்த 31 ஆம் திகதி காலை 10:15 அளவில் இடம்பெற்றுள்ளது.