அமெரிக்காவில் 6 மில்லியனை அண்மித்த கொரோனா நோயாளர்கள்

Colombo (News 1st) அமெரிக்காவில் கொரோனா நோயாளர்களின் எண்ணக்கை 6 மில்லியனை அண்மித்துள்ளது. கடந்த 4 நாட்களுக்குள் உலகளாவிய ரீதியில் ஒரு மில்லியன் பேர் கொரோனா தொற்றுடன் அடையாளம் காணப்பட்டுள்ளனர். உலகில் முதற்தடவையாக 78,000 இற்கும் அதிகமான கொரோனா நோயாளர்கள் இந்தியாவில் பதிவாகியிருந்தனர். ​ஜோன்ஸ் ஹோப்கின்ஸ் பல்கலைக்கழக தரவுகளின் அடிப்படையில், அமெரிக்காவில் கொரோனா நோயாளர்களின் எண்ணிக்கை 59,94,855 ஆக பதிவாகியுள்ளது. அமெரிக்காவின் மினிசொட்டா, அயோவா, வடக்கு டகோட்டா, தென் டகோட்டா உள்ளிட்ட பிராந்தியங்களில் அதிக நோயாளர்கள் பதிவாகியுள்ளதுடன், அந்நாட்டில் 3 வாரங்களுள் 5 மில்லியன் நோயாளர்கள் பதிவாகியுள்ளனர்.