ஊரடங்கு சட்டத்தை மீறிய 1,264 பேர் கைது

ஊரடங்கு சட்டத்தை மீறிய 1,264 பேர் கைது

ஊரடங்கு சட்டத்தை மீறிய 1,264 பேர் கைது

எழுத்தாளர் Staff Writer

03 Apr, 2020 | 3:26 pm

Colombo (News 1st) இன்று (03) காலை 6 மணியுடன் நிறைவடைந்த 24 மணித்தியாலங்களில் ஊரடங்கு சட்டத்தை மீறிய 1,264 பேர் கைது செய்யப்பட்டுள்ளனர்.

இந்த காலப்பகுதியில் 325 வாகனங்கள் கைப்பற்றப்பட்டுள்ளதாக பொலிஸார் குறிப்பிட்டுள்ளனர்.

கடந்த மாதம் 20ஆம் திகதி தொடக்கம் இன்று காலை 6 மணி வரையான காலப்பகுதியில் ஊரடங்கு சட்டத்தை மீறிய 10,730 பேர் கைது செய்யப்பட்டுள்ளனர்.

இவர்களின் 2,657 வாகனங்களும் கைப்பற்றப்பட்டுள்ளதாக பொலிஸ் தலைமையகம் அறிவித்துள்ளது.

நாடளாவிய ரீதியில் ஊரடங்கு சட்டம் அமுல்படுத்தப்பட்டுள்ளது.

கொழும்பு , கம்பஹா, களுத்துறை, யாழ்ப்பாணம், புத்தளம் மற்றும் கண்டி ஆகிய மாவட்டங்களில் மறு அறிவித்தல் வரை ஊரடங்கு சட்டம் அமுல்படுத்தப்பட்டுள்ளது.

ஏனைய 19 மாவட்டங்களிலும் எதிர்வரும் 6 ஆம் திகதி காலை 6 மணிக்கு ஊரடங்கு சட்டம் தளர்த்தப்படும் என பொலிஸ் தலைமையகம் அறிவித்துள்ளது.


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected]rst.lk இல் எங்களை தொடர்பு கொள்ளவும்