மருத்துவரை மணந்தார் யோகி பாபு

நகைச்சுவை நடிகா் யோகி பாபுவிற்கும் மருத்துவர் மஞ்சு பார்கவிக்கும் திடீரென திருமணம் நடைபெற்றுள்ளது. திருவண்ணாமலை மாவட்டம் ஆரணி அருகே நேற்று (05) திருமணம் நடைபெற்றுள்ளது. ஆரணி அருகே வாழப்பந்தல் பகுதியை அடுத்துள்ள மேல்நகரம்பேடு கிராமத்தில் தனது குலதெய்வமான பெரியாண்டவா் கோவிலில் அதிகாலை 5 மணியளவில் யோகி பாபு, சென்னையைச் சோ்ந்த மருத்துவா் மஞ்சு பார்கவியை திருமணம் செய்து கொண்டுள்ளார். திருமணம் குறித்த தகவல் எவருக்கும் தெரிவிக்கப்படவில்லை. யோகி பாபு, மஞ்சு பார்கவி ஆகியோரது உறவினா்கள் மட்டுமே திருமண விழாவில் பங்கேற்றுள்ளனா்.