பங்களாதேஷூடனான T20: ஹபீஸ், மலிக்கை மீள அழைத்துள்ள பாகிஸ்தான்

பங்களாதேஷூடனான இருபதுக்கு 20 கிரிக்கெட் போட்டியில் விளையாடவுள்ள பாகிஸ்தான் குழாம் அறிவிக்கப்பட்டுள்ளது. இதனடிப்படையில், பாபர் அசாமின் தலைமைத்துவத்தின் கீழ் 15 பேரடங்கிய பாகிஸ்தான் அணி பெயரிடப்பட்டுள்ளது. அண்மையில் பாகிஸ்தான் அணி இருபதுக்கு 20 கிரிக்கெட் போட்டியில் பின்னடைவை சந்தித்ததையடுத்து , இம்முறை அணியில் சில மாற்றங்கள் ஏற்படுத்தப்பட்டுள்ளமை விசேட அம்சமாகும். இதனடிப்படையில், கடந்த இருபதுக்கு 20 போட்டியில் பாகிஸ்தான் அணி சார்பாக விளையாடிய 7 வீரர்கள் இம்முறை போட்டியிலிருந்து நீக்கப்பட்டுள்ளனர். மேலும் , கடந்த போட்டியில் வாய்ப்பளிக்கப்படாத மொஹமட் ஹபீஸ் மற்றும் சொயிப் மலிக் ஆகியோருக்கு பங்களாதேஷூக்கு எதிரான போட்டியில் வாய்ப்பளிக்கப்பட்டுள்ளது.