ஜனாதிபதித் தேர்தல் தொடர்பில் 24 மணி நேரத்தில் 84 முறைப்பாடுகள்

Colombo (News 1st) கடந்த 24 மணித்தியாலங்களில் ஜனாதிபதித் தேர்தலுடன் தொடர்புடைய 84 முறைப்பாடுகள் கிடைத்துள்ளதாக தேர்தல்கள் ஆணைக்குழு தெரிவித்துள்ளது. நேற்று (12) பிற்பகல் 4.30 மணியுடன் நிறைவடைந்த 24 மணித்தியாலங்களில் வன்முறை நடவடிக்கைகள் தொடர்பில் 2 முறைப்பாடுகளும் சட்டத்தை மீறியமை தொடர்பில் 73 முறைப்பாடுகளும் ஏனைய சம்பவங்கள் தொடர்பில் 3 முறைப்பாடுகளும் கிடைத்துள்ளதாக ஆணைக்குழுவின் தலைவர் மஹிந்த தேஷப்பிரிய தெரிவித்துள்ளார். இதேவேளை, ஜனாதிபதித் தேர்தல் தொடர்பில், கடந்த 8ஆம் திகதியிலிருந்து இதுவரை 459 முறைப்பாடுகள் பதிவாகியுள்ளதாக அவர் மேலும் குறிப்பிட்டுள்ளார்.