பெரிய வெங்காயத்தின் மொத்த விற்பனை விலை அதிகரிப்பு

Colombo (News 1st) பெரிய வெங்காயத்தின் மொத்த விற்பனை விலை அதிகரித்துள்ளதாக தம்புள்ளை பொருளாதார நிலையம் தெரிவித்துள்ளது. ஒரு கிலோகிராம் பெரிய வெங்காயத்தின் மொத்த விற்பனை விலை நேற்றைய தினம் 195 ரூபாவாகக் காணப்பட்டுள்ளதாக நிலையம் குறிப்பிட்டுள்ளது. கடந்த 5 வருடங்களுக்கு பின்னர் பெரிய வெங்காயத்தின் விலை இவ்வாறு அதிகரித்துள்ளது. கடந்த 3 தினங்களுக்கு முன்னர் பெரிய வெங்காயத்தின் மொத்த விற்பனை விலை 170 ரூபாவாக காணப்பட்டது. மாத்தளை மாவட்டத்தில் 600 ஹெக்டேயர் நிலப்பரப்பில் பெரிய வெங்காயம் செய்கையிடப்பட்டதாக விவசாயிகள் தெரிவித்துள்ளனர்.