இலங்கையில் சீனி தயாரிப்பை மேம்படுத்த நடவடிக்கை

Colombo (News 1st) இலங்கையில் சீனித் தயாரிப்பை மேம்படுத்துவதற்கான நடவடிக்கைககள் முன்னெடுக்கப்பட்டுள்ளன. இதனை முன்னிட்டு, கரும்பை உற்பத்தி செய்வதற்காக மொனராகலை, கிளிநொச்சி, மட்டக்களப்பு, அநுராதபுரம், திருகோணமலை அம்பாறை, பதுளை மற்றும் பொலன்னறுவை ஆகிய மாவட்டங்களில் மாவட்டங்களில் ஒரு இலட்சத்து 4 ஆயிரம் காணிகள் அடையாளம் காணப்பட்டுள்ளன. இலங்கையில் தற்போதைய சீனிக்கான தேவை, வருடாந்தம் 6 இலட்சத்து 70 ஆயிரம் மெற்றிக் தொன்னாகும். இதில் 90 வீதமானவை இறக்குமதி மூலமே பூர்த்தி செய்யப்படுகின்றமை குறிப்பிடத்தக்கது. இதற்காக வருடமொன்றிற்கு செலவிடப்படும் நிதி 350 மில்லியன் அமெரிக்க டொலர்களாகும்.