செல்ஃபி எடுக்க முற்பட்ட போது கடலில் வீழ்ந்த இளைஞர்கள்: இருவரைக் காணவில்லை

Colombo (News 1st) உனவட்டுன, ரூமஸ்ஸல பகுதியில் கற்பாறை மீது ஏறி செல்ஃபி எடுக்க முற்பட்ட போது இளைஞர்கள் நால்வர் கடலில் வீழ்ந்துள்ளனர். இவர்களில் இருவர் காப்பாற்றப்பட்டுள்ளதுடன், இருவர் காணாமற்போயுள்ளதாக பொலிஸ் ஊடகப்பேச்சாளர், பொலிஸ் அத்தியட்சகர் ருவன் குணசேகர தெரிவித்தார். காலி - தெலிக்கட பகுதியைச் சேர்ந்த 20 மற்றும் 21 வயதுடைய இருவரே காணாமற்போயுள்ளனர். காணாமற்போனோரைத் தேடும் நடவடிக்கை முன்னெடுக்கப்பட்டுள்ளது. சம்பவம் தொடர்பிலான மேலதிக விசாரணைகள் முன்னெடுக்கப்பட்டுள்ளன.