ஆசிய ரக்பி சாம்பியன்ஷிப்: இலங்கைக்கு எதிரான போட்டியில் பிலிப்பைன்ஸ் வெற்றி

Colombo (News 1st) ஆசிய ரக்பி சாம்பியன்ஷிப் முதலாம் பிரிவில் இலங்கைக்கு எதிரான போட்டியை பிலிப்பைன்ஸ் அணி வெற்றிகொண்டது. சைனீஸ் தாய்பேயில் நடைபெற்ற இந்தப் போட்டி கிண்ணத்திற்கான காலிறுதியாக அமைந்திருந்தது. போட்டியில் முதல் பகுதியில் 15-10 எனும் புள்ளிகள் கணக்கில் பிலிப்பைன்ஸ் அணி முன்னிலை வகித்தது. இரண்டாம் பகுதியில் பிலிப்பைன்ஸ் அணி மேலும் 24 புள்ளிகளைப் பெற்றது. எனினும், இலங்கை அணியால் 12 புள்ளிகளையே மேலதிகமாகப் பெற முடிந்தது. 39- 22 எனும் புள்ளிகள் பிரகாரம், பிலிப்பைன்ஸ் அணி வெற்றியீட்டியது. ஆசிய ரக்பி சாம்பியன்ஷிப் முதலாம் பிரிவில் மூன்றாம் இடத்திற்கான போட்டியில் இலங்கை எதிர்வரும் முதலாம் திகதி விளையாடவுள்ளது.