வெல்லவாயவில் இரண்டு முச்சக்கரவண்டிகள் நேருக்கு நேர் மோதி விபத்து: மூவர் பலி

Colombo (News 1st) வெல்லவாய, ஊவா குடா ஓயா பகுதியில் இரண்டு முச்சக்கரவண்டிகள் நேருக்கு நேர் மோதி விபத்திற்குள்ளானதில் மூன்று பேர் உயிரிழந்துள்ளனர். உயிரிழந்தவர்களில் இரண்டு பெண்களும் அடங்குவதாக பொலிஸார் தெரிவித்தனர். விபத்தில் காயமடைந்த 6 பேர் தனமல்வில வைத்தியசாலையில் அனுமதிக்கப்பட்டதன் பின்னர் அவர்களில் மூன்று பேர் உயிரிழந்ததாக பொலிஸார் குறிப்பிட்டனர். காயமடைந்துள்ள ஏனைய மூன்று பேரும் மேலதிக சிகிச்சைகளுக்காக ஹம்பாந்தோட்டை வைத்தியசாலைக்கு மாற்றப்பட்டுள்ளனர். விபத்து தொடர்பில் குடா ஓயா பொலிஸார் விசாரணைகளை மேற்கொண்டு வருகின்றனர்.