முல்லைத்தீவில் கிணற்றிலிருந்து சிறுவனின் சடலம் மீட்பு

Colombo (News 1st) முல்லைத்தீவு - கள்ளப்பாடு பகுதியில் சிறுவனொருவரின் சடலம் கிணற்றில் இருந்து மீட்கப்பட்டுள்ளது. நேற்று (10) மாலை சிறுவன் கிணற்றில் வீழ்ந்திருக்கலாம் என சந்தேகிக்கப்படுகின்றது. சிறுவன் மாஞ்சோலை வைத்தியசாலைக்கு கொண்டுவரப்பட்டபோது உயிரிழந்திருந்ததாக வைத்தியசாலை நிர்வாகம் அறிவித்துள்ளது. 4 வயதான சிறுவனே நீரில் மூழ்கி உயிரிழந்துள்ளதாக பொலிஸார் தெரிவித்தனர். சடலம் மாஞ்சோலை வைத்தியசாலையில் வைக்கப்பட்டுள்ளதுடன், இன்று பிரேதப்பரிசோதனை இடம்பெறவுள்ளது. சம்பவம் தொடர்பிலான மேலதிக விசாரணைகளை முல்லைத்தீவு பொலிஸார் முன்னெடுத்து வருகின்றனர்.