அமைச்சு அலுவலகங்களுக்கு பொலிஸ் விசேட அதிரடிப்படைப் பாதுகாப்பு

Colombo (News 1st) நீதி அமைச்சு உள்ளிட்ட 32 அமைச்சு அலுவலகங்களுக்கு நேற்றிரவு முதல் பொலிஸ் விசேட அதிரடிப்படையினரின் பாதுகாப்பு வழங்கப்பட்டுள்ளது. பொலிஸ் தலைமையகத்தின் ஆலோசனைக்கு அமைய, இந்த நடவடிக்கை எடுக்கப்பட்டுள்ளதாக பொலிஸ் விசேட அதிரடிப்படையின் உயரதிகாரி ஒருவர் கூறியுள்ளார். அதற்கமைய, *மகாவலி அபிவிருத்தி மற்றும் சுற்றாடல் அமைச்சு *நிதி மற்றும் பொருளாதார அமைச்சு *சுற்றுலா மற்றும் வனஜீவராசிகள் அமைச்சு *திறன்விருத்தி மற்றும் தொழிற்பயிற்சி அமைச்சு *பெருந்தெருக்கள் அபிவிருத்தி அமைச்சு *மின்சக்தி மற்றும் மீள்புதுப்பித்தல் சக்தி அமைச்சு *கைத்தொழில் மற்றும் வணிக அமைச்சு *நகரத் திட்டமிடல் மற்றும் நீர்வழங்கல் அமைச்சு *அரச நிர்வாக மற்றும் உள்நாட்டு அலுவல்கள் மற்றும் நீதி அமைச்சு உள்ளிட்ட 32 அமைச்சு அலுவலகங்களுக்கு பொலிஸ் விசேட அதிரடிப்படையினரின் பாதுகாப்பு வழங்கப்பட்டுள்ளது.