தேவர் மகன் 2 ஆம் பாகத்தில் நடிக்கும் கமல் 

தேவர் மகன் 2 ஆம் பாகத்தில் நடிக்கும் கமல் 

தேவர் மகன் 2 ஆம் பாகத்தில் நடிக்கும் கமல் 

எழுத்தாளர் Bella Dalima

13 Oct, 2018 | 3:51 pm

சங்கர் இயக்கத்தில் இந்தியன் 2 ஆம் பாகத்தை அடுத்து தேவர் மகன் படத்தின் 2 ஆம் பாகத்தில் நடிக்க முடிவு செய்திருப்பதாக கமல் அறிவித்துள்ளார்.

தமிழில் இப்போது 2 ஆம் பாகம் படங்களுக்கு நல்ல வரவேற்புள்ளது. சூர்யாவின் சிங்கம் படத்தின் மூன்று பாகங்கள் வெளிவந்துள்ளன. விக்ரமின் சாமி படத்தின் இரண்டாம் பாகம் சமீபத்தில் திரைக்கு வந்தது. கமல் ஹாசனின் விஸ்வரூபம் படத்தின் இரண்டாம் பாகமும் வந்தது. ரஜினிகாந்த் எந்திரன் படத்தின் இரண்டாம் பாகமான 2.0 படத்தில் நடித்துள்ளார். இது நவம்பர் மாதம் திரைக்கு வருகிறது.

விஷால் சண்டக்கோழி இரண்டாம் பாகத்தில் நடித்துள்ளார். சதுரங்க வேட்டை இரண்டாம் பாகமும் தயாராகி உள்ளது. நடிகர் கமல் ஹாசனும் தேவர் மகன் படத்தின் இரண்டாம் பாகத்தில் நடித்து இயக்குவது பற்றி ஆலோசிப்பதாக தகவல் கசிந்தது. தற்போது அதை கமல் ஹாசன் உறுதிப்படுத்தியுள்ளார்.

இன்று ஒரு விழாவில் கலந்துகொண்ட கமல் ஹாசன், ரசிகர்கள் முன்னிலையில் தேவர் மகன் 2 ஆம் பாகம் உருவாக இருக்கிறது என கூறியுள்ளார்.

தேவர்மகன் முதல் பாகம் 1992–இல் திரைக்கு வந்து வெற்றிகரமாக ஓடியது. இதில் கமல் ஹாசனுடன் சிவாஜி கணேசன், நாசர், ரேவதி, கவுதமி நடித்திருந்தனர். இந்த படத்திற்கு தேசிய விருதும் கிடைத்தது. இந்தி, கன்னட மொழிகளிலும் ரீமேக் செய்யப்பட்டன.

சங்கர் இயக்கத்தில் இந்தியன் – 2 படத்தில் நடிக்கிறார் கமல். இதன் முதல் கட்ட படப்பிடிப்பு வெளிநாடுகளில் நடக்கவுள்ளது. இந்த படத்தோடு தேவர் மகன் – 2 படப்பிடிப்பையும் தொடங்குவார் என்று எதிர்பார்க்கப்படுகிறது.


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்