USS Anchorage போர்க்கப்பல் திருகோணமலை துறைமுகத்தை வந்தடைந்தது

Colombo (News 1st)  அமெரிக்க போர்க்கப்பலான USS Anchorage எனும் கப்பல் இன்று திருகோணமலை துறைமுகத்தை வந்தடைந்தது திருகோணமலையை வந்தடைந்த இந்தக் கப்பலை இலங்கையிலுள்ள அமெரிக்க தூதரக அதிகாரிகள் வரவேற்றனர். பசுபிக் சமுத்திரத்தை அண்டியுள்ள நாடுகளுக்கு இடையில் கடந்த 2 ஆம் திகதி நடைபெற்ற பயிற்சியின் தொடர்ச்சியாகவே இந்தக் கப்பல் இலங்கையை வந்தடைந்துள்ளது. இலங்கை - அமெரிக்காவிற்கு இடையிலான கடல்சார் ஒத்துழைப்பை வலுப்படுத்தும் வகையில் இந்தக் கப்பலின் வருகை அமைந்துள்ளது. இலங்கை - அமெரிக்க கடற்படையினருக்கு இடையிலான பயிற்சி இன்று இடம்பெற்றதாக கொழும்பிலுள்ள அமெரிக்கத் தூதரகம் தெரிவித்தது.