இத்தாலி வௌ்ளத்தில் சிக்கி 10 பேர் உயிரிழப்பு

இத்தாலியின் தென் பகுதியில் பெய்த கடும் மழை காரணமாக ஏற்பட்ட வௌ்ளத்தில் சிக்கி குறைந்தது 10 பேர் உயிரிழந்துள்ளதோடு, மேலும் பலர் காணாமல் போயுள்ளனர். இத்தாலியின் கலாப்ரியா (Calabria) பிராந்தியத்திலுள்ள தேசிய பூங்கா ஒன்றில் நடந்துசென்று கொண்டிருந்த 4 ஆண்கள் மற்றும் 4 பெண்களும் வௌ்ளத்தினால் அடித்துச் செல்லப்பட்டுள்ளனர். அதேநேரம், வௌ்ளத்திலிருந்து 10 வயதான சிறுவன் உட்பட 18 பேர் மீட்கப்பட்டுள்ளதாகவும் 6 பேர் சிகிச்சைக்காக வைத்தியசாலையில் அனுமதிக்கப்பட்டுள்ளதாகவும் கூறப்படுகின்றது. இதனிடையே, கடந்த வாரம் இத்தாலியின் ஜெனோவோ நகரின் நெடுஞ்சாலையிலுள்ள பாலம் ஒன்று இடிந்து விபத்துக்குள்ளானதில் 43 பேர் உயிரிழந்தமை குறிப்பிடத்தக்கது.