அமலா பால் படத்தில் IPL வர்ணனையாளர்

அமலா பால் படத்தில் IPL வர்ணனையாளர்

அமலா பால் படத்தில் IPL வர்ணனையாளர்

எழுத்தாளர் Bella Dalima

26 Jul, 2018 | 5:28 pm

அமலா பால் நடித்து வரும் ‘அதோ அந்த பறவை போல’ படத்தில் பிரபல IPL வர்ணனையாளர் சமீர் கோச்சார் நடித்து வருகிறார்.

இந்தியாவின் கோடிக்கணக்கான கிரிக்கெட் ரசிகர்களில் சமீர் கோச்சாரை அறிந்திராதவர்கள் யாருமே இருக்க முடியாது.

IPL போட்டிகளில் வர்ணனையாளராகப் பணியாற்றியதன் மூலம் இந்தியாவின் கடைக்கோடி வரை அறிந்த பிரபலமானார் சமீர் கோச்சார்.

தனது ஆரம்ப காலகட்டத்தை தூர்தர்ஷன் தொலைக்காட்சியில் ஒளிபரப்பான “ஹாத் சே ஹாத் மிலா” என்ற எயிட்ஸ் விழிப்புணர்வு நிகழ்ச்சியில் தொடங்கியவர், இன்று பாலிவுட் சினிமா வரை வளர்ந்திருக்கிறார்.

இவர் நடிப்பில், தற்போது நெட் பிலிக்ஸ் வலைத்தளத்தில் ஒளிபரப்பாகி வரும் “சேக்ரட் கேம்ஸ்” என்ற தொடர் ரசிகர்களிடையே பெரும் வரவேற்பை பெற்றிருக்கிறது.

மேலும் “ஜனத்”, “ஹவுஸ்ஃபுல் 3 போன்ற பாலிவுட் வெற்றித்திரைப்படங்களிலும் நடித்துள்ளார்.

இந்நிலையில், செஞ்சுரி இன்டர்நேஷனல் பிலிம்ஸ் தயாரிப்பில் அமலா பால் முதன்மை கதாபாத்திரத்தில் நடித்து வரும் “அதோ அந்த பறவை போல” திரைப்படத்தின் மூலமாக தமிழ் சினிமாவிற்கு அறிமுகமாக இருக்கிறார் சமீர் கோச்சார்.

இப்படத்தின் கதையில் அவருடைய கதாபாத்திரத்தின் முக்கியத்துவத்தை உணர்ந்து நடிக்க சம்மதம் தெரிவித்ததோடு, தனது நடிப்பின் மூலம் படக்குழுவினரை ஆச்சர்யத்தில் ஆழ்த்தி வருகிறார் சமீர் கோச்சார்.


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்