தென்னாபிரிக்காவுடனான டெஸ்ட்: இலங்கை 278 ஓட்டங்களால் வெற்றி

Colombo (News 1st)  தென்னாபிரிக்க அணியுடனான முதலாவது டெஸ்ட் கிரிக்கெட் போட்டியில் இலங்கை அணி 278 ஓட்டங்களால் வெற்றி பெற்றுள்ளது. 352 ஓட்டங்களை வெற்றியிலக்காகக் கொண்டு துடுப்பெடுத்தாடிய தென்னாபிரிக்கா, 73 ஓட்டங்களை மட்டுமே பெற்றுக்கொண்டது. டில்ருவன் பெரேரா 6 விக்கெட்களையும் ரங்கன ஹேரத் 3 விக்கெட்களையும் கைப்பற்றினர். தென்னாபிரிக்கா சார்பில் Vernon Philander பெற்ற 22 ஓட்டங்களே அணி சார்பில் பெற்றுக்கொண்ட அதிகபட்ச ஓட்டங்களாகும். காலி மைதானத்தில் நடைபெற்ற இந்த டெஸ்ட் போட்டி மூன்று நாட்களில் நிறைவுக்கு வந்துள்ளமை குறிப்பிடத்தக்கது.