வானிலை முன்னெச்சரிக்கை

மேல், சப்ரகமுவ மாகாணங்களிலும் காலி மாத்தறை மற்றும் மாவட்டங்களில் 150 மில்லிமீற்றர் மழை வீழ்ச்சி பதிவாகக்கூடும் என வளிமண்டலவியல் திணைக்களம் எதிர்வுகூறியுள்ளது. இன்று காலை 8.30 உடன் நிறைவடைந்த 24 மணித்தியாலங்களில் ஆனமடுவ பகுதியிலேயே அதிக மழை வீழ்ச்சி பதிவாகியுள்ளது. புத்தளம் - ஆனமடுவ பகுதியில் 353 தசம் 8 மில்லி மீற்றர் மழை வீழ்ச்சி பதிவாகியுள்ளது. ஆண்டிகம - 339 மில்லி மீற்றர் தமன்கடுவ - 316 மில்லி மீற்றர் மாத்தளை - 267.5 மில்லி மீற்றர் இரத்தினபுரி, துடுவ - 232.6 மில்லி மீற்றர் குளியாப்பிட்டிய - 232 மில்லி மீற்றர் குக்குளேகங்க - 227 மில்லி மீற்றர் மழை வீழ்ச்சி பதிவாகியுள்ளது.   இடம்பெயர்வு மண்மேடு சரிந்து வீழ்ந்ததில் அக்கரப்பத்தனை - அல்தோரி தோட்டத்திலுள்ள 10 பேர் இடம்பெயர்ந்துள்ளனர். நேற்று இரவு முதல் பெய்து வரும் மழை காரணமாக அப்பகுதி மக்களின் இயல்பு வாழ்க்கை பெரிதும் பாதிக்கப்பட்டுள்ளது. இன்று அதிகாலை 3 மணியளவில் 2 வீடுகள் மீது மண்மேடு சரிந்து வீழ்ந்துள்ளதாக எமது செய்தியாளர் தெரிவிக்கின்றார். இதனையடுத்து 2 குடும்பங்களை சேர்ந்த 10 பேரும் அல்தோரி தோட்டத்திலுள்ள பொதுநூலகமொன்றில் தங்கவைக்கப்பட்டுள்ளனர். போக்குவரத்து பாதிப்பு மண்மேடு சரிந்து வீழ்ந்ததால் ஹற்றன் - கொழும்பு பிரதான வீதியில் கித்துல்கல, யட்டிபேரிய மற்றும், கினிகத்தேன - தியகல ஆகிய பகுதிகளில் போக்குவரத்துக்கு இடையூறு. மாற்றுவீதிகளை பயன்படுத்துமாறு கோரிக்கை விடுக்கப்பட்டுள்ளது. நாவலப்பிட்டி - தொலஸ்பாகை வீதியின் வெரலுகஸ்ஹின்ன பகுதியில் மண்மேடு சரிந்து வீழ்ந்ததில் அப்பகுதியூடான போக்குவரத்து பாதிக்கப்பட்டுள்ளது.