உகாண்டாவில் விமானத்திலிருந்து வீழ்ந்த பணிப்பெண் பரிதாபமாக உயிரிழப்பு

உகாண்டா விமான நிலையத்தில் நிறுத்தப்பட்டிருந்த எமிரேட்ஸ் விமானத்தில் இருந்து அவசர கதவு வழியாக கீழே வீழ்ந்த பணிப்பெண் பரிதாபமாக உயிரிழந்துள்ளார். உகாண்டாவில் உள்ள Entebbe விமான நிலையத்தில் எமிரேட்ஸ் விமானம் கடந்த புதன்கிழமை நிறுத்தப்பட்டிருந்தது. அந்த விமானம் பயணிகளை ஏற்றிக்கொண்டு புறப்படத் தயாரானபோது, விமானத்தில் அவசர வழி கதவை பணிப்பெண் ஒருவர் திறந்து சோதித்துள்ளார். இதன்போது, அவர் எதிர்பாராத விதமாக கீழே வீழ்ந்து தலையில் படுகாயமடைந்துள்ளார். அருகிலுள்ள மருத்துவமனையில் அனுமதிக்கப்பட்டபோது, அவர் ஏற்கனவே உயிரிழந்துவிட்டதாக மருத்துவர் தெரிவித்துள்ளார். உகாண்டா விமான போக்குவரத்து அதிகாரிகள் சம்பவம் தொடர்பாக விசாரணை இடம்பெற்று வருவதாகத் தெரிவித்துள்ளனர்.