டயகம – சந்திரிகாமம் தோட்டத்தில் சுவரொன்று இடிந்து வீழ்ந்ததில் மூதாட்டியொருவர் உயிரிழந்துள்ளார்.

அப்பகுதியில் தொடர்ச்சியாக மழை பெய்து வரும் நிலையில், நேற்று பிற்பகல் இந்த சம்பவம் இடம்பெற்றுள்ளது.

இதன்போது 86 வயதான மூதாட்டி காயமடைந்ததுடன், டயகம வைத்தியசாலையில் அனுமதிக்கப்பட்டுள்ளார்.

மேலதிக சிகிச்சைகளுக்காக நுவரெலியா மாவட்ட வைத்தியசாலைக்கு கொண்டு செல்லப்பட்ட சந்தர்ப்பத்தில் அவர் உயிரிழந்ததாக பொலிஸார் தெரிவித்தனர்.

சடலம் நுவரெலியா வைத்தியசாலையில் வைக்கப்பட்டுள்ளதுடன், இன்று பிரேதப் பரிசோதனை முன்னெடுக்கப்படவுள்ளது.

சம்பவம் குறித்து மேலதிக விசாரணைகளை டயகம பொலிஸார் முன்னெடுத்து வருகின்றனர்.