அமைச்சர் லக்ஷ்மன் கிரியெல்லவின் மக்கள் தொடர்பாடல் அதிகாரி எனக் கூறப்படுகின்ற ஒருவருக்கு எதிராக இன்று புஸ்ஸல்லாவ நகரில் ஆர்ப்பாட்டம் நடத்தப்பட்டது.

அமைச்சர் லக்ஷ்மன் கிரியெல்லவின் மக்கள் தொடர்பாடல் அதிகாரியான அசோக்க ஹேரத் என்பவருக்கு எதிராகவே இந்த ஆர்ப்பாட்டம் நடத்தப்பட்டது.

இவர் அமைச்சரை சந்திப்பதற்கு இடமளிப்பதில்லை எனவும் தமக்கு தேவையானவர்களுக்கு மாத்திரம் வேட்புமனுவை வழங்குவதாகவும் ஆர்ப்பாட்டத்தில் ஈடுபட்டவர்கள் குற்றம் சுமத்தினர்.

இதேவேளை, குறித்த அதிகாரிக்கு ஆதரவு தெரிவித்து மேலும் சிலர் புஸ்ஸல்லாவ நகரின் பிரிதொரு இடத்தில் ஆர்ப்பாட்டம் நடத்தினர்.