இறக்குமதி செய்யப்படும் சிறிய மீன்களுக்கு 100 ரூபாய் இறக்குமதி வரி அறவிடுவதற்கு கடற்றொழில் அமைச்சு தீர்மானித்துள்ளது.

இலங்கை கடற்பரப்பில் அதிகரித்துள்ள மீன் வளம் காரணமாகவே இந்த தீர்மானம் எடுக்கப்பட்டுள்ளதாக கடற்றொழில் அமைச்சர் மஹிந்த அமரவீர தெரிவித்துள்ளார்.

இது தொடர்பில் திரைசேரி ஒப்புதல் கோரப்பட்டுள்ளதாக அவர் மேலும் தெரிவித்துள்ளார்.

திரைசேரி ஒப்புதல் கிடைக்கப்பெற்றதும் இறக்குமதி செய்யப்படும் அனைத்து சிறிய மீன்களுக்கும் 100 ரூபாய் இறக்குமதி வரி அறவிடப்படும் என கடற்றொழில் அமைச்சர் மஹிந்த அமரவீர குறிப்பிட்டுள்ளார்.

உள்நாட்டு மீனவர்களின் நலன் கருதியே இந்த நடவடிக்கை மேற்கொள்ளப்படவுள்ளதாக கடற்றொழில் அமைச்சு மேலும் தெரிவித்துள்ளது.