தண்டவாளமே இல்லாமல் இயங்கும் உலகின் முதல் ஸ்மார்ட் ரயில் சீனாவில் அறிமுகம் (Photos)

தண்டவாளமே இல்லாமல் இயங்கும் உலகின் முதல் ஸ்மார்ட் ரயில் சீனாவில் அறிமுகம் (Photos)

தண்டவாளமே இல்லாமல் இயங்கும் உலகின் முதல் ஸ்மார்ட் ரயில் சீனாவில் அறிமுகம் (Photos)

எழுத்தாளர் Bella Dalima

25 Oct, 2017 | 4:10 pm

சீனாவின் ஹுனான் மாகாணத்தில் தண்டவாளமே இல்லாமல் இயங்கும் ஸ்மார்ட் ரயிலின் சோதனை ஓட்டம் வெற்றிகரமாக நடத்தப்பட்டுள்ளது.

மெட்ரோ ரயில் மற்றும் மோனோ ரயில் போன்ற எவ்வித பிடிமானமும் இல்லாமல், தண்டவாளம் கூட இல்லாமல் இயங்கும் இந்த ஸ்மார்ட் ரயில் ஜுஜூ பகுதியில் முதற்கட்டமாக சோதனை செய்து பார்க்கப்பட்டுள்ளது.

உலகின் மிகப்பெரிய ரயில் உற்பத்தி நிறுவனமான சி.ஆர்.ஆர்.சி. கார்ப்பரேஷன் லிமிட்டட் நிறுவனம் இந்த ஸ்மார்ட் ரயிலை தயாரித்துள்ளது.

ரயில் செல்ல வேண்டிய வழித்தடம் சாலையில் வெண்ணிற கோடுகளாகக் காணப்படுகிறது. சாலையில் இந்த வெள்ளை கோடுகள் 3.75 மீட்டர் அகலம் கொண்டு சீரான இடைவெளியில் உள்ளது.

சென்சார் மூலம் தாமாகவே இயங்கக்கூடிய இந்த ஸ்மார்ட் ரயில் சாலையில் உள்ள கோடுகள் வழியாக செல்கிறது.

இதில் ஒரே நேரத்தில் 300 பேர் பயணிக்க முடியும். அதிகபட்சமாக 70 கி.மீ வேகம் கொண்ட இந்த ஸ்மார்ட் ரயில், 32 மீட்டர் நீளத்தில் வடிவமைக்கப்பட்டுள்ளது.

ஏனைய ரயில்கள், சுரங்கப்பாதை மற்றும் ரயில்வே ட்ரக் அமைக்கும் செலவை விட இந்த ரயிலுக்கு மிகக்குறைவான செலவே ஏற்பட்டுள்ளதாகக் கூறப்பட்டுள்ளது.

சீனாவில் வடிவமைக்கப்பட்டுள்ள இந்த ரயில் உலகின் முதல் ஸ்மார்ட் ரயில் என்பது குறிப்பிடத்தக்கது.

art-train-virtual-tracks-crrc-china-3-660x330


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்