இன்று உலக யானைகள் தினம்

இன்று உலக யானைகள் தினம்

இன்று உலக யானைகள் தினம்

எழுத்தாளர் Staff Writer

12 Aug, 2017 | 7:47 pm

உலக யானைகள் தினம் இன்றாகும்.

ஆசியாவின் பெரும்பாலான நாடுகளில் கலாசார செயற்பாடுகளில் அதிகளவில் ஈடுபடுத்தப்படும் விலங்கினமாக யானைகள் விளங்குவதுடன், இலங்கையிலும் கலாசாரத்துடன் பின்னிப்பிணைந்த விலங்கினமாக யானைகள் காணப்படுகின்றன.

எனினும் தற்போது யானைகளின் நிலை மிக மோசமாகவுள்ளது.

யானைகளின் வாழ்வுரிமையை உறுதிப்படுத்தும் நோக்கில் செயற்படும் அரச நிறுவனங்களின் செயற்றிறன் அதிகரிக்கப்பட வேண்டும் என சுற்றாடல் அமைப்புக்கள் சுட்டிக்காட்டுகின்றன.

செயற்றிறன் இன்மையால் யானைகள் கொடூரமாக துன்புறத்தப்படுகின்றன.

நிலப்பரப்பில் வாழும் பெரிய விலங்கினமான யானைகளை மனிதன் தனது வாழ்க்கை செயற்பாடுகளுக்கு பயன்படுத்துகின்றமையை நாம் அனைவரும் அறிவோம்.

எமது நாட்டில் இவ்வாறான மனித செயற்பாடுகளுக்காக சுமார் 155 யானைகள் ஈடுபடுத்தப்படுகின்றன.

சமயம் சார் விடயங்களுக்கும் சுற்றுலாத்துறைக்கும் யானைகள் தற்போது பயன்படுத்தப்படுகின்றன.

1900 ஆண்டு காலப்பகுதியில் நாட்டில் 10000 யானைகள் வாழ்ந்திருக்கக்கூடும் என தரவுகளுள்ள போதிலும், இன்று 4,500 தொடக்கம் 5,000 வரையான யானைகளே உள்ளன.

வருடாந்தம் 80 தொடக்கம் 110 வரையான யானைகள் பிறப்பதுடன், 250 தொடக்கம் 270 வரையான யானைகள் வருடாந்தம் உயிரிழப்பதாக சூழலியலாளர்கள் சுட்டிக்காட்டுகின்றனர்.

 


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்