வௌ்ளம் மற்றும் மண்சரிவு அனர்த்தங்கள் காரணமாக பாடசாலை புத்தகங்கள் மற்றும் உடமைகளை இழந்த மாணவர்களுக்கு புதிய புத்தங்களை வழங்கும் நடவடிக்கை நாளை (07) முதல் ஆரம்பமாகவுள்ளதாக கல்வி இராஜாங்க அமைச்சு தெரிவித்துள்ளது.

இதற்காக கல்வி அமைச்சில் புதிய புத்தகங்களை மேலதிகமாக அச்சிடும் நடவடிக்கை ஆரம்பிக்கப்பட்டுள்ளதாக அமைச்சிக் செயலாளர் திஸ்ஸ ஹேவாவித்தான தெரிவித்தார்.

பாதிக்கப்பட்டுள்ள மாணவர்கள் தொடர்பில் மேற்கொள்ளப்பட்ட மதிப்பீட்டிற்கு அமைய புத்தகங்கள் வழங்கப்படவுள்ளதாக அவர் மேலும் தெரிவித்தார்.

இயற்கை அனர்த்தத்தினால் பாதிக்கப்பட்ட மாணவர்களின் உளநலத்தை மேம்படுத்துவதற்கான ஆலோசனை சேவைகளை வழங்கவுள்ளதாக அமைச்சின் செயலாளர் மேலும் தெரிவித்தார்.

இது தொடர்பில் சம்பந்தப்பட்ட பாடசாலை அதிபர்கள் மற்றும் ஆசியரியர்களுக்கு சுற்று நிரூபம் ஒன்றை அனுப்பியுள்ளதாகவும், அவர் கூறினார்.