மூன்று சிறுமிகள் துஷ்பிரயோகம்: சந்தேகநபர்கள் அடையாளங் காணப்படவில்லை

மூன்று சிறுமிகள் துஷ்பிரயோகம்: சந்தேகநபர்கள் அடையாளங் காணப்படவில்லை

எழுத்தாளர் Staff Writer

05 Jun, 2017 | 12:53 pm

திருகோணமலை மூதூர் பெருவெளி கிராமத்தில் மூன்று சிறுமிகளை துஷ்பிரயோகத்திற்கு உட்படுத்திய சம்பவம் தொடர்பில் கைது செய்யப்பட்ட சந்தேகநபர்கள் இன்று அடையாளங் காணப்படவில்லை.

மூதூர் நீதவான் நீதிமன்றத்தில் இன்று அடையாள அணிவகுப்பு நடைபெற்றது.

இதன்போது பாதிக்கப்பட்ட மூன்று சிறுமிகளும் நீதிமன்றமத்தில் ஆஜராகியதை அடுத்து அடையாள அணிவகுப்பு இடம்பெற்றுள்ளது.

எனினும் பாதிக்கப்பட்ட சிறுமிகளால் சந்தேகநபர்களை அடையாளம் காணா முடியாது போயுள்ளது.

இதனை அடுத்து சம்பவம் தொடர்பில் கைது செய்யப்பட்ட ஐந்து சந்தேகநபர்களையும் எதிர்வரும் 12 ஆம் திகதி வரை விளக்கமறியலில் வைக்குமாறு நீதவான் ஐ.என். றிஸ்வான் உத்தரவிட்டுள்ளார்.

மூதூர் பெருவெளி பகுதியில் கடந்த சில தினங்களுக்கு முன்னர் பாடசாலை மாணவிகள் மூன்று பேரை குறித்த பகுதியில் தொழில்புரிந்துக் கொண்டிருந்த சிலர் துஷ்பிரயோகத்தற்கு உட்படுத்தியதாக தெரிவிக்கப்பட்டுள்ளது.

சம்பவம் தொடர்பில் ஆரம்பத்தில் நான்கு சந்தேகநபர்கள் கைது செய்யப்பட்டுள்ளதுடன், விசாரணைகளின் பின்னர் மற்றுமொரு சந்தேகநபரும் கைது செய்யப்பட்டமை குறிப்பிடத்தக்கது.

சம்பவம் தொடர்பில் மூதூர் பொலிஸார் விசாரணைகளை மேற்கொண்டு வருகின்றனர்.

 


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்