4 கால்கள் 2 முதுகெலும்புகளுடன் பிறந்த பெண் குழந்தை: மேலதிக உறுப்புக்கள் நீக்கப்பட்டன

4 கால்கள் 2 முதுகெலும்புகளுடன் பிறந்த பெண் குழந்தை: மேலதிக உறுப்புக்கள் நீக்கப்பட்டன

4 கால்கள் 2 முதுகெலும்புகளுடன் பிறந்த பெண் குழந்தை: மேலதிக உறுப்புக்கள் நீக்கப்பட்டன

எழுத்தாளர் Bella Dalima

27 Apr, 2017 | 3:53 pm

ஐவரி கோஸ்ட்டில் 4 கால்கள் 2 முதுகெலும்புகளுடன் பிறந்த பெண் குழந்தையின் மேலதிக உறுப்புக்கள் அறுவை சிகிச்சை மூலம் நீக்கப்பட்டு, பெற்றோரிடம் ஒப்படைக்கப்பட்டுள்ளது.

பிறந்து 11 மாதங்களான நிலையில், இந்தக் குழந்தைக்கு சிக்காக்கோவில் உள்ள மருத்துவமனையில் அறுவை சிகிச்சை நடத்தப்பட்டுள்ளது.

இரண்டு மாதங்களுக்கும் மேலாக சிக்காக்கோவில் இருந்து, சிகிச்சைகளை முடித்துக் கொண்ட பின், டொமினிக் என பெயரிடப்பட்டுள்ள இந்தக் குழந்தை பெற்றோருடன் தற்போது ஐவரி கோஸ்ட்டிற்கு அனுப்பி வைக்கப்பட்டுள்ளது.

ஐந்து மருத்துவர்கள் சேர்ந்து 6 மணிநேரங்கள் இந்த அறுவை சிகிச்சையை மேற்கொண்டுள்ளனர். குழந்தை முழு ஆரோக்கியத்துடன் இருப்பதாக மருத்துவர்கள் தெரிவித்துள்ளனர்.

அறுவை சிகிச்சைக்குப் பின்னர் டொமினிக் முதல் பிறந்த நாளை தனது குடும்பத்தாருடன் கொண்டாடவிருப்பது குறிப்பிடத்தக்கது.

இரட்டைக் குழந்தைகளாக கரு உருவாக்கம் இடம்பெறும் போது, முழுவதுமாக வளர்ச்சியடையாத குழந்தையின் உடற்பாகங்கள் மற்ற குழந்தையுடன் இவ்வாறு ஒட்டிப் பிறக்கும் சம்பவங்கள் உலகில் அவ்வப்போது இடம்பெற்று வருகின்றன.

 

3E846DA500000578-4335984-image-a-1_1490171486621

dominique

1490114631573 dominique


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்